بوابة المنوفية أونلاين 
كتبت : زينب يحيى
• الغضب هو إحدى الإنفعالات الطبيعية والصحية عند الأطفال، عشان كده مطلوب مننا نتعلم ازاي نتعامل مع نوبات غضب الأطفال بطريقة إيجابية ومفيدة للطفل.
– هقولك في هذا التقرير على خطوات تساعد بها إبنك على التعبير عن مشاعره والتحكم في غضبه .
** الاستماع والتفهم *
– تظهر للطفل إنك تستمع له بانتباه ومن غير مقاطعه وافهم مشاعره، قوله:
” انا فاهم انك حاسس بالغضب دلوقتى”.
– شجعه على التعبير عن مشاعره بكلمات بدل من السلوكيات العنيفة او المدمرة.
– ضروري في وقت غير وقت الغضب، وقت الروقان يكون في اتفاق واضح أن التعبير عن مشاعرنا يكون بالكلام مش بالإيذاء، ووقت الغضب لو احتاج الأمر سيبه دقايق عشان يهدى ولكن اتاكد انه في مكان امن ولا يمكنه إيذاء نفسه او الاخرين.
** المساعدة في ادارة المشاعر *
علمه تقنيات التهدئة مثل :
– خد نفس عميق ثلاث مرات او عد لحد 10 لما تحس بالغضب.
– بالتدريب والاستمرار هتنجحوا في ادارة الغضب وهتلاقي نفسك انت كمان بتتدرب معاه.
–
**التحدث عن السلوك المناسب *
– ناقش مع ابنك السلوكيات المقبولة للتعبير عن المشاعر بدل من الغضب العنيف.
“انا عارف انك حسيت بالغضب لكن ما ينفعش تصرخ او تضرب أو تكسر الحاجات فى البيت”
** المكافأة على السلوك الإيجابي *
– في رحلة التدريب على ادارة مشاعر الغضب ضروري الانتباه لأي محاولة من الطفل في التعبير عن مشاعره بطريقة مناسبة، شجعه على المحاولة دي واكد له إنك فخور بقدرته على ادارة انفعالاته.
– التعامل مع غضب الطفل بصبر وتفهم هو أمر حاسم لمساعدته على النمو والتطور بشكل صحي وكمان ده هيكون تدريب لينا للتعامل مع الغضب احنا كمان لان ضروري تكون انت نفسك محافظ على هدوئك لما يكون الطفل غضبان.
– الموضوع محتاج شوية وقت وشوية جهد مننا وطولة بال من غير ما نستسلم ولانفقد الامل فى ولادنا.
ولادنا يستاهلو نتعب شوية فى تربيتهم ،،
Author Profile
-
بوابة المنوفية أونلاين
Latest entries
تقارير وحوارات2 أغسطس، 2025“جثث تنتظر الحياة: داخل عالم التجميد الحيوي وأوهام العودة من الموت”
أخبار مصر2 أغسطس، 2025”مشاهد مش للعائلة”……… تيكتوكرز في قفص الاتهام: هل تصنع الشهرة طريقًا للسقوط؟
أخبار مصر31 يوليو، 2025تهنئة للصحفية سهيلة عبداللطيف لتخرجها
تقارير وحوارات30 يوليو، 2025مدير تعليم الجيزة يتفقد خدمة الشباك الواحد ويوجه بسرعة إنجاز مصالح المواطنين
بوابه المنوفيه اونلاين 
