المنوفية : دعوه شبابية لدعم المشروعات الصغيره بتلا - بوابة المنوفية اونلاين بوابة المنوفية اونلاين

شارك الخبر

هكذا بدات أ دينا احمد يونس المبادرة على جروب نافذة تلا

بصو بقا انا عايزه اعمل مبادرة اننا كنشروعات صغيره ندعم بعض وكمان ندعم الاكشاك الصغيره والمحلات الصغيره برضو اللي تعتبر مصدر دخل اساسي لاي بيت ونحاول ندعمهم لانهم اكيد بيسعو ع رزقهم بالحلال فمش بيطلبو من حد وفي نفس الوقت موجود منافسيين فالسوق ميجوش جنبهم حاجه بمعني انا ك دينا كل شهر بجمع طلبات البيت رز ومكرونه وبيض ….

كنت بروح اجيب من ماركت كبير علشان الاقي كل حاجه مره واحده واخلص الموضوع في ساعه زمان وملفش كتير بس لاقيت محلات كتير بتبقا حرفيا مستنيه الزبون مننا وبما ان احنا كلنا غلابه في غلابه فننفع بعض وقولت اكيد الماركت الكبير دا مش مستني دينا تاخد الكام كيس مكرونه والكام بيضه لكن ممكن محل بضاعته محدوده وشكله مش واو ومش عارف ينافس الماركتات الكبير يكون مستني مكسب الكام كيس مكرونه دول وفعلا بدأت اشوف اقرب كشك او محل بقاله واجيب منه كل اللي عنده اكون محتاجاه وممكن اقوله هاتلي كذا للشهر الجاي واجيب من اقرب واحده بتاعت فاكهه وخضار وحتي لو اغلي سيكه من اللي فالسوق مهو ال 10 اللي هوفرها يحيي بيجيب بيهم شيبسي ويرمي نصه فالارض لكن هي ممكن تجيب بيهم علاج لبنتها والحاجات بقا اللي مش بلاقيها فالمحل البقاله بجبها من اقرب ماركت كبير ليا ليه بقا بجيب من اقرب محلات وبقاله وخضار مني لان في ايه معناها (ان الاقربون اولي بالمعروف)

واكيد في مغزي من كلمه الاقربون لان الاقربون دول شايفيين النعمه عليك فعلشان ميكنش في ضغينه جوا او حسد او غيره لان النفس اماره بالسوء برضو فبشوف اقربهم علشان قلبه يرتاح من ناحيتي لما يشوف نعمه عليا دا حسب وجهة نظري فبقيت بجيب من الاقرب ليا . تخيل كل واحد يجيب من الاقرب ليه هيبقا في اكتفاء ووكله هيترزق ومحدش هيحتاج ان شاء اللهمطولش عليكم بقا بطلب من ادمن الجروب اننا نفعل

دعوه شبابية لدعم المشروعات الصغيره بتلا

#مبادره_دعم_المشروعات_الصغيره اللي بتسعي ع رزقها بالحلال انا هبدأ بكام حد اعرفه هحط لينكات وكمان محلات بدون صفحات وهكتب عنوانهم الناس دي اهلا للثقه بأذن الله حتي اللي بيشتغلو في نفس مجاليهكتبها فالكومنتات لو اتوافق عليهم من الادمن واتمني الفكره تعجبكم وندعم بعض ونكون سند لبعض

مساهمه من موقع اشعار خبر نيوز بالمبادره لما لها من اثار اجتماعية عديدة على المواطن البسيط وتشجع على نمو المشروعات الصغيرة

بنشر اعلان مجانى تماما لاى نشاط تجارى صغير بتلا

ارسل فى تعليق رقم التليفون والنشاط والعنوان وصورة مناسبه

فى تعليق على المقاله هنا

ثم ارسال البينات للصفحة

https://www.facebook.com/esharekhabar

Author Profile

بوابة المنوفية أونلاين: بوابة المنوفية أونلاين

موقع الكترونى اخبارى اجتماعى تنموى يهتم بكل ماهو جديد على الساحة المحلية والإقليمية والعالميه من اخبار وفن ورياضة واقتصاد واحداث جارية ويهتم بالصحة والتعليم والتنمية المحلية
https://menofiagate.online

Latest entries

بوابة المنوفية أونلاين

موقع الكترونى اخبارى اجتماعى تنموى يهتم بكل ماهو جديد على الساحة المحلية والإقليمية والعالميه من اخبار وفن ورياضة واقتصاد واحداث جارية ويهتم بالصحة والتعليم والتنمية المحلية
https://menofiagate.online

شارك الخبر